Vreshtarët janë treguar pak të ashpër karshi kryesisë aktuale pas rënies nga liga.
Përmes një postimi që u shpërnda me të madhe nga anëtarët e tifo-grupit, kërkohet që ata ta marrin nën menaxhim klubin dhe mos ta lënë në dorë të të tjerëve.
Ky është një skenar që ka ndodhur edhe në vende të zhvilluara. Në anën tjetër, nga klubi kanë thënë për Rahoveci n’Fokus se nuk mund të flitet për të ardhmen e klubit të paktën pa u mbyllur kampionati.
Kur të mbyllet gjithçka sa i përket këtij viti futbollistik, atëherë udhëheqësit do të takohen dhe do të vendosin për rrugën përpara.
Duhet thënë që Vreshtarët kanë kërkuar dorëheqjen e tyre, duke shtuar se këtë duhet ta bëjnë nëse kanë pak moral.
Gjithsesi, ditët në vijim janë të rëndësishëm për KF Rahovecin, i cili pas gjashtë vitesh feston 100 vjetorin e klubit./Rahoveci n’Fokus
