Ashtu si çdo vit tjetër, Rahoveci n’Fokus ka vijuar me seriozitetin në mbështetje të sektorëve më të rëndësishëm të shoqërisë, duke propozuar përzgjedhjen e laureatëve.
Siç edhe kemi paralajmëruar pak kohë më parë, kur edhe u hap afati për propozim të më të mirëve në fusha të ndryshme, redaksia përzgjodhi edhe infermieren e vitit.
Ky epitet, për këtë vit kalendarik i takon Valentina Morinës. E angazhuar në QKMF-në “Dr. Fahredin Hoti” në Rahovec, Morina mori më së shumti propozime nga qytetarët, propozime këto që erdhën në postën tonë elektronike.
Pikë kyçe e këtyre adresimeve ka qenë angazhimi i saj në Mjekësinë Familjare, duke u shquar për angazhimin e pashoq në terren.