Pak javë më parë, saktësisht me datën 30 të muajit të kaluar raportuam për një mbyllje kanali kullimi në intervenimin që kompania e bëri për krijimin e vendparkingjeve të reja.
Menjëherë vërshuan kritikat në drejtim të redaksisë, duke na akuzuar për propagandë.
Dhe ja, nuk shkoi shumë dhe tashmë duhet të vuajmë, veçanërisht fëmijët që ndjekin edukimin joformal te Institucioni Hareja.
Pikërisht nga brenda këtij institucioni janë siguruar fotografi, ku uji i pusetave shihet të ketë depërtuar brenda në objekt.
Për hir të korrektësisë dhe obligimit ligjor, ne kontaktuam me drejtoreshën Adelina Paqarizi, e cila mohoi një gjë të tillë, duke thënë se ky është problem i brendshëm i Harejës.
“Mirë që ke telefonuar për të konfirmuar. Nuk e di kush të ka thënë ashtu, po s’është e vërtetë. Është problem i yni, e që shpresojmë ta zgjdhim. Ne jemi këtu brenda duke punuar”, shtoi ndër tjerash ajo për Rahoveci n’Fokus.
