KH Rahoveci me patjetër duhet ta fitojë titullin në elitën kosovare të këtij sporti.
Do të ishte e paprecedentë që të mbetej pa trofe në edicionin kur nuk regjistroi asnjë humbje, përkatësisht 27 fitore dhe 1 barazim.
Dhe kjo është në dorën e drejtorit të DKRS-së, Afrim Dina, i cili nuk duhet të lë gur pa lëvizur që t’i sigurojë këto mjete.
Duhet thënë, mjetet janë bllokuar nga Thesari i Shtetit për shkak të kontratës kolektive, por që Dina, bashkë me stafin e tij e drejtuar nga kreu Smajl Latifi thjesht duhet të bëjnë “qare”.
Nëse pagesat ekzekutohen deri të premten, e në këtë mënyrë KH Rahoveci kryen obligimet financiare, atëherë nuk përjashtohen as premitë për triumf.
