Vështirësitë financiare nuk do ta zbehin aspak angazhimin e pashoq të djemve të rinj të qytetit që kanë marrë barrë të rëndë mbi supe.
Përkundër se disa prej bizneseve tona nuk shohin gatishmëri për t’iu ndihmuar sportistëve, Grapeland do të bëjë çmos që të punojë për gjeneratat e reja e për ta kthyer atmosferën në palestrën “Mizahir Isma”.
Skuadra sonte nis pjesën e dytë të sezonit, me synimin për të triumfuar në fund e për të shënuar histori, duke u ngritur në Superligë, dy vjet pas themelimit.
Aktualisht, gëzojnë “rosterin” më të mirë në ligë, andaj nuk pritet ta kenë problem këtë punë, porse u duhet të vrapojnë për të siguruar mbështetje logjistike, por edhe ato monetare, për çka nga këtu ftojmë bizneset që ta shfrytëzojnë ligjin për sponsorizim.
