Përkundër se të dyja palët, si nga AAK-ja, e edhe më shumë nga PDK-ja, e kanë mohuar një koalicion të tillë, Rahoveci n’Fokus përmes burimeve të mirinformuara ka kuptuar se si do të ndahet “tortja” mandatin e ardhshëm.
Smajl Latifi i vardiset PDK-së, ia “kërkon” PO-në për koalicion
Siç ka mësuar Rahoveci n’Fokus, nënkryetari i deritanishëm, Fatmir Iska do të jetë kryesues i ri i Kuvendit.
Atdhe Rama i PDK-së parashihet ta marrë pozitën e dytë më të rëndësishme, atë të nënkryetarit të Komunës, teksa Altin Zhuniqi njërën nga drejtoritë.
Kujtojmë, ishte vetë Latifi që ditë më parë postoi një fotografi me vëllain e asamblistit Altin Zhuniqi, duke thënë që po “bëhen gati për dasmën e radhës”, e që dasma po duket të jetë koalicioni i “krahut të luftës”.
Në anën tjetër të medaljes, kjo po tregon diçka shumë qartë: Smajl Latifi është lodhur politikisht. Nuk po do më as të provojë diçka më shumë. Thjesht do ta presë fundin e mandatit për ta mbyllur rrugëtimin politik lokal, sepse me siguri se do t’ia lëshojë rrugën ndonjë kandidati tjetër.
Gjithsesi, zhvillime në degën e AAK-së priten pas zgjedhjeve nacionale, e aty kjo degë nuk pret shumë rezultate. Në fakt as rezultate mesatare nuk pret. Gjithnjë sipas projeksioneve./Rahoveci n’Fokus
