U pat vendosur në ballinat e medieve kosovare pas vizitës së Hashim Thaçit në Kosovë, përkatësisht në QKUK.
Bëhet fjalë për hematologun Adriatik Berisha, i cili mbikëqyri të ndjerin Haxhi Thaçi, që vdiq me 16 mars të këtij viti.
Siç ka mësuar Përmbledhja.com, Dr. Adriatik Berisha pritet të kandidojë për deputet nga radhët e Partisë Demokratike të Kosovës.
“Kryesia në Prishtinë ka aprovuar emrin që importoi dega e PDK-së në Rahovec. Adriatik Berisha është emër i pranuar për qendrën për shkak se edhe babai i tij ka qenë zyrtar i kahmotshëm i Partisë Demokratike”, ka thënë veç tjerash ky burim për redaksinë tonë.
Ne gjithsesi, konform etikës kontaktum edhe me doktorin për të marrë një konfirmim, megjithatë deri në momentin e publikimit të këtij lajmi, e patëm të pamundur ta kemi një prononcim nga vetë ai.
