Importuesi i veturave nga Koreja, Besim Canziba ka folur për mikrofonat e Rahoveci n’Fokus, ku ka dhënë detaje dhe ka informuar qytetarët lidhur me përparësitë e të pasurit një veturë nga Korea.
Njeriu që tashmë ka marrë dhenë në rajonin tonë mbi numrin e veturave që po importon, ka shtuar se shumë shpejt tregu ynë i veturave do të dominohet nga ato me bazën aziatike.
“Një e mirë e patjetërsueshme është fakti se koreanët i heqin veturat pa i bërë 100 kilometra. Kjo për shkak se në momentin që e kapin këtë shifër, kalojnë në taksa shtesë. Veç kësaj, a i keni vërejtur se ulëset prapa i kanë gjithmonë të pastra. Arsye është fakti se atje nuk lejohet të kenë shumë fëmijë. Gjithashtu, çmimi jo shumë i dallueshëm me veturat prodhuese që bazë kanë Evropën është tjetër shtytje për njerëzit tanë që ta zgjedhin atë të Koresë”, tha fillimisht Canziba.
Veç kësaj, ai pohoi interesimin e madh të njerëzve, veçanërisht të Rahovecit për të siguruar një veturë nga Koreja.
Në faqen e mëposhtme mund të informoheni më shumë rreth këtyre veturave e çmimeve përkatëse, ndërsa duhet thënë që rahovecianët veçse janë dëshmitarë për numrin në rritje të shoferëve që po ngasin këso lloj veturash.
