Smajl Latifi po dështon në menaxhim. Rrjedhimisht është menaxher i dobët i komunës.
Megjithatë, kur raportonim ne, militantët e AAK-së ngurronin ta pranonin këtë konstatim. Dhe ja. Me t’u bërë lajm në mediet nacionale, Smajl Latifit i doli në pah skandali me mungesën e parave.
Për t’jua thjeshtësuar: Komuna e Rahovecit nuk ka para për të paguar bukën e pacientëve të hemodializës. Për shkak të kësaj, anuloi tenderin e hapur ditë më parë.
Por, për ta përforcuar skandalin, komuna gjeti “mbështetjen” e një biznesi rahovecas, që buka t’u dërgohet këtyre pacientëve, e pagesa me siguri se do të bëhej sipas versionin: kur Zoti komunës, komuna biznesit! S’ka tjetër opsion real.
Me të marrë vesh se skandali preku Prishtinën, u gjetë zgjidhja e përkohshshme. Buka këtyre pacientëve iu vjen nga Prizreni. Paramendoni. 30 kilometra larg.
Për këtë ka reaguar edhe Këshilli i Pacientëve në Rahovec, që ka kërkuar nga institucionet zgjidhje të shpejtë, pasi kjo që po u ndodhë pacientëve në Rahovec është trajtim johuman.
