Smajl Latifi nuk e ka shumicën në Kuvend, andaj qysh tash ka filluar të mendojë për atë se si do t’ia bëjë rreth menaxhimit me organin legjislativ të komunës.
Kësisoj, siç ka mësuar Rahoveci n’Fokus, ai po e mendon opsionin e bashkëpunimit me PDK-në, si e vetmja romancë e mirëpritur për militantët e AAK-së për shkak të afërsisë emocionale të “krahut të luftës”.
Madje, redaksia jonë ka kuptuar se Latifi veçse ka filluar flirtin për një gjë të tillë, duke ngarendur pas një PO-je të PDK-së, që këtë mandat do t’i ketë 5 asamblistë.
Gjithsesi, Fokusi kontaktoi me shefin në detyrë të kabinetit Latifi 3, Ardit Halilaj, i cili siç edhe pritej nuk konfirmoi asgjë rreth këtyre zërave.
“Nuk mund të them asgjë rreth kësaj teme”, përfundoi Halilaj.
Kurse, kah PDK-ja mohuan këto zëra, ani se kreu i Edon Canës pranoi se dega ka votuar që ai të negocojë me AAK-në nëse do të jetë e nevojshme./Rahoveci n’Fokus
