Në orët e para të ditës së sotme u bë e ditur për dy të arrestuar në kufirin Serbi – Hungari, me pretendimin e pabazuar të autoriteteve serbe që Xh.E. dhe B.E. kanë rrëmbyer një serb më 1999.
Megjithatë, këto pretendime i hodhi poshtë menjëherë zyrja e OVL-së së UÇK-së në Rahovec.
Kreu i saj, Qemajl Krasniqi, në një prononcim të shkurtër për Koha.net, mohoi se vëllezërit Emini kanë qenë pjesë e UÇK-së.
“Në cilësinë e kryetarit të degës së OVL-UÇK-së në Rahovec, them me përgjegjësi se këta nuk janë në listën tonë të veteranëve”, tha Krasniqi në një përgjigje për KOHËN.
