Të dielën e kaluar i gjithë qyteti mbeti pa ujë, për herë të parë në Rahovecin e pasluftës.
Të shumta ishin reagimet si në mesazhet private ashtu edhe përmes profilive të aktivistëve në Favebook.
Sipas banorëve të zonës, e sipas informacioneve që ka siguruar Rahoveci n’Fokus, gjithçka “të zezën” thuhet ta ketë bërë një inxhinier i KRU Gjakovës.
Pra, familja që po intervenonte kishte leje për ndërhyrje, përkatësisht punime. Sipas lejes së autoriteteve, reduktime do të kishte, por për lagje të caktuara dhe në ditë të caktuara. Normalisht të ndryshme.
Më pas gjithçka ndërroi. Këtu përgjegjësi duket të ketë pasur inxhinieri i angazhuar KRU Gjakovës.
Ky i fundit, ose thënë më mirë i deleguari i institucionit tejkaloi kompetencat duke ndalur ujin në tërësi. Me gjasë për t’u kryer më shpejt punimet që kishin nisur në një nga gypat kyç të qytetit.
Sipas normave ligjore dhe atyre mediatike, ne i kemi shkruar KRU Gjakovës, por me këta të fundit që na kanë injoruar./Rahoveci n’Fokus
