Një ankesë ka ardhur para pak çastesh në adresë të redaksisë sonë.
Bëhet fjalë për njerëzit më të vyer, bujqit tanë që po përballen me vështirë të shumta në angazhimet e tyre të përditshme. Tashmë edhe në ato burokratike.
Paramendoni, nga ajo çfarë i kanë thënë redaksisë sonë është se nuk ka rrjet dhe nuk po mund t’i plotësojnë aplikacionet për subvencione.
Këta bujq i kanë thënë Rahovecit n’Fokus se problem tjetër është që nuk po respektohet fare termini. Pra, edhe nëse ke bërë termin më herët, nuk ke përparësi, duhet të presësh, gjithë ditën nëse është nevoja.
Interesante është se ka ndodhur që disa fermerë të presin me orë të tëra, edhe gjithë ditën, ndërsa pastaj janë informuar se iu duhet ndonjë letër shtesë. Pra, lëshime në organizim, që po shkakton huti e vrer tek klasa që duhet mbështetur më së shumti.
Redaksia veçse ka dërguar pyetje në drejtim të drejtorisë për Bujqësi, për të marrë versionin e tyre rreth kësaj çështjeje./Rahoveci n’Fokus
