Një 44-vjeçar në Rahovec ka përfunduar në QKMF pas një sulmi të dyfishtë që, sipas tij, iu shkaktua nga ish-bashkëshortja dhe vajza e tij 20-vjeçare.
Burime të Sinjalit bëjnë me dije se rasti është raportuar mbrëmjen e djeshme në rrugën “Dëshmorët e Demokracisë”, ku viktima ka njoftuar policinë se ndaj tij është ushtruar dhunë fizike nga ish-bashkëshortja, F. Z. rreth 45-vjeçare dhe vajza e tij, E. Z. rreth 20-vjeçare.
Policia ka konstatuar lëndime trupore te viktima dhe e ka dërguar për trajtim mjekësor.
Ai ka deklaruar se posedon urdhër mbrojtës aktiv ndaj ish-bashkëshortes dhe se konflikti ka lindur nga problemet e vazhdueshme mes tyre.
Të dyshuarat janë shoqëruar në stacionin policor, ku kanë mohuar akuzat, por me urdhër të prokurorit kujdestar janë ndaluar për 48 orë dhe ndaj tyre është iniciuar procedurë penale për “Dhunë në familje”.
